Þörf – Vani – Líðan – Upprisa Ingveldar 2

Og svona lullar lífið

Samt er eins og það þjóti áfram. Og ég er bara sátt!

Ég léttist bara um 2,5 kg í febrúar – sem var skandall að eigin mati en margar sem ég hef spurt segja að þetta geti svo vel gerst. – En svo þegar ég fór af stað, þá hrynja þau af mér á ný – vúhú nýr tugur – sjá fjórði byrjaður og ég er mjög þakklát. Því maður má ekki frenjast og heimta og heimta.

Ég syndi 2 – 3 í viku sem er náttúrulega bara dásamlegt og vitið þið bara hvað – á föstudag eftir skóla gekk ég með báðar hækjurnar í 30 mín og svo gekk ég í gær – þó skemur væri, sunnudag og í dag vúhú fór ég í góðan göngutúr með hundana hér um svæðið. Og þreif magakveisu Bjarts upp með tilheyrandi óhljóðum!

Og núna finn ég mun. 30 kílóum síðar – ef með eru talin kílóin sem ég léttist um í haust. Ég vildi nú helst missa 30 kíló – fyrstu þrjá mánuðina en kroppurinn var ekki sammála. Kannski hafði það áhrif að ég hætti á blóðþrýstingstöflunum sem voru að hluta bjúglosandi – og ég fór að synda 1250 – 1500 metra nokkrum sinnum í viku. Og æti það sé nú ekki að hjálpa hve vel gengur – blessuð hreyfingin. Hún gerir mig líka svo glaða.

Uncategorized

Staðan

Það er nú saga að segja frá henni – en í dag er það gleði og meiri gleði.

Og nú er ég farin að synda – og guð minn góður hvílík frelsun!

magaminnkun, Uncategorized

Nýr kafli

Eftir langa bið og mikla niðursveiflu líkamlega hef ég nú farið í efnaskiptaaðgerð – gastric-bypass-surgery. Hjáveitu með öðrum orðum. Ég var skorin á miðvikudag og í dag er kominn laugardagur 1. des.

RNY-compressor

Ég hef beðið lengi eftir þessari aðgerð og tækifæri til þess að komast í hana. Það var erfitt fyrir norðan að vera í undirbúningi fyrir hana svo ég sótti um að komast í hann ári áður en ég hætti þar, en sú beiðni varð einhvern veginn að engu – en lifnaði við þegar ég forvitnaðist um stöðuna. Það var svo loksins tveimur árum rúmum síðar sem ég komst að hjá þeim á Reykjalundi og þau hafa hugsað um mig síðan af stakri snilld og á afskaplega einstaklingsmiðaðan hátt. Mikil breyting hefur orðið á mörgu í offitufræðunum síðan ég var þar um 2008 – það hefur greinilega komið fram mikið af nýrri þekkingu á offitu, eðli hennar og þróun.

En hvað um það – nú er ég hjá Ása bróður mínum og Jónu í þvílíkt góðu yfirlæti, í þessum skrifuðu orðum setur verkfræðingurinn 200 ml af súpu í dollur til að frysta og í dag munum við svo gera aðra tegund af súpu sem ég get svo tekið með mér heim í heiðardalinn! Mig langar heim á morgun – hef áhyggjur af hundunum og svona – Bjartur minn er einn og Stormur í vist hjá kvennakórnum okkar á Þúfur.

Ég var nokkuð verkjuð fyrst eftir aðgerðina og sérstaklega var ég aum eftir uppblásturinn, aftan við herðablöðin sem olli því að vont var að liggja á bakinu – í þeirri einu stellingu sem ég gat legið í 😉 en ég fékk ágæt efni og svo jafnaði þetta sig nú.

Eftir að ég kom hingað hef ég sofið vel og nærst ágætlega.

Uncategorized

Ganga!

Já haldið ykkur fast (reyndar les þetta enginn svo – það er bara tekið þannig til orða!). Fyrsti dagurinn sem var sæmilegt veður – og ég fór í 15 mínútna göngu – afar stutta en – fór samt! Var með kraftgöngustafina – og hlustaði á fuglasönginn. Og nú sit ég og svitna smá…. og stolið maður minn!

Uncategorized

Meiri bekkur, fleiri sprautur

Hér gengur allt sinn vanagang, ég fór í vinnuna í dag aðeins að taka til þar sem við erum að flytja á milli rýma í skólanum.

ÉG fór líka í kaffi…. sem sagt nokkuð virk í dag.

Síðast en ekki síst fór ég í ropeyoga bekkinn og teygði vel á – eftir helgina fæ ég svo diskinn og þá rifjast upp fleiri æfingar – en þessar dugar svo sem ágætlega þar sem teygt er á fótunum – og vitiði – eftir bara nokkur skipti er ég miklu betri að standa upp af gólfinu – það er nefnilega fjandi sárt að fara á hnén…. reyni að forðast það.

Uncategorized

Framtíðin og núna

Ég fékk aftur löngun til að skrifa…. Það þýðir eitthvað, svo mikið er víst.

Nú er hafinn undirbúningur fyrir aðgerð í haust. Ég er komin með stungulyf sem veldur því að maturinn er lengur í maganum og þannig verður maður síður svangur. Á þessu lyfi ætti maður að léttast um 6 -8 prósent af líkamsþyngd á þremur mánuðum. Það væri afar kærkomið að léttast fyrir aðgerð þar sem hún tekur 1/3 af líkamsþyngdinni. Ef einhvers staðar á bilinu 5 – 10 kíló í viðbót er það gott forskot.

Ég er líka farin að nota robejoga bekkinn þrisvar í viku í um 15 mínútur í senn. Það dugar mér í bili – mesta gleðin er nú eiginlega að geta staðið upp af gólfinu eins og ástandið er.

Uncategorized